| 23rd Mar 2008 |
一般 | (27 Reads)
3月23日 (陰天) 分手的第2天 今日,同樣都係8:00am起身,起左身之後,又o係度睇下有咩人上網,都係,好無耐咁!約左以前同事,浩賢佢今日話會出黎,唔知係咪真,發左個短信比佢! 起身開左個電視,都冇野睇,又熄番,再試下訓,都訓得著番,11:50醒左,浩賢,都打過比我,聽唔到,打番比佢到佢聽唔到,晏小小佢打番黎,話去邊,我話晏d先出啦,都唔知去邊,去睇戲囉,都唔知睇咩,個fd話“我的最愛”好睇,我都想睇,聽到個fd首歌,佢又分左手一排,個接駁鈴聲好正好到肉“分手要狠”好正!但係屋企部腦冇得上網,咪冇得聽囉!!! 起身又o係張床到hea~上ebuddy,我見到林先生個死黨,胡生,佢立即電我,同佢傾左成個幾鐘,喊住傾左陣,喊完傾完舒服好多~原來,我要o既只係,有朋友,比我講,邊講邊喊,舒法出黎就經已足夠! 都好多謝,胡生安慰,傾訴完之後,係好好多! 之後,浩賢打番番黎,問佢有咩戲好睇,話睇“史柏力魔怪書”哦,好囉,事但啦,都應該ok kei~!有imax巨screen版,佢上網睇都仲有位,見到有5:40pm非常好,仲有大把時間hea~結果,係睇果個時間,我就起身,開始整野,化妝換衫,攪掂,仲有好多時間,吸塵先,好dirty~哈哈!吸完之後,浩賢都出門口,3:55pm,我都吸完喇,預備出門口4:20出門口去到九龍灣,諗住住穿梭巴士的,今次經已好好喇,見到條龍尾,平時星期,六/日係永遠見唔到條龍尾去megabox架,浩賢見到嚇撚親,結果,上的士諗都唔諗,坐的士過去,去到上左11樓買飛先,因為,巨screen版關係$90,都幾貴,唔知效果,唔知係咪真係禁好呢?? 買完票,都只係5點到,係咁落,hea 下行下,好明顯個商場把明係冇野行架啦,預番時間,5:30上番去.買左爆谷餐我飲水,$55,佢飲汽水,8:15到完場,點不知走果陣…唔知做咩事,有兩個exit咁正常,係應該行得啦,有兩邊啦,點不知,採屎,中招…
一落冇回頭,點不知,後面仲有一大把人跟住我地兩個,仲要係咁落樓梯,冇得停,我真係轉到頭都暈,11樓行到G/F好癲….到門係開唔到,一開全個商場一定響ALRAM,之如仲會有消防車出現,唔好攪禁大….結果,打去1083,問MEGABOX個CUSTOMER SERVICE幾好電話,問完即打,叫佢叫管理處開門講左個,區號…好彩有個區號..D人屌到仆街…攪撚錯AR冇指示又唔好叫人出啦,唔行得依條路,帶位又冇人帶,垃圾到爆..勁投訴,結果,後面個服務員,打番黎,經已投訴左戲院果邊,應該下次唔會再有依件事情發生,我都希望啦…如果唔係都幾麻煩,行到腳都痺呀!!人都癲!! 睇完套戲,去左行SPOTLIGHT,買左盒蠟燭,買左個玻璃樽仔,裝住,四十幾蚊,浩賢都買左,另外買埋個盒…!
行埋B&Q都冇咩野行,見到D燈..就諗起林生…平時同我行依D店最鐘意就係睇燈,今次,自己都係咁睇,睇黎都唔知做乜,好無聊…
結果,行埋其他D層數,走人,坐番旺角小巴走人$7.5!
開頭打比另外個朋友KYAN,問佢睇下佢出唔出黎,佢話15分鐘後,再打比我,我同浩賢去左行信和,行晒禁多層,咪又係咁..!佢買左本漫畫囉,行完之後,都係9:30到啦!結果,去食“麻酸樂”又係成日同林生去食,哈哈!
去到都係叫個牛柳食算啦跟炒飯,咪又係咁.諗番起上次同佢食,就在奧海城果間食,仲要係趕去食,幾刺激,以後都冇LU!唔洗再諗,食飽飽,閃人,去左行VCD SHOP,浩賢叫我諗禁多做咩丫,買碟番屋企睇啦十零廿蚊,我諗都冇咩戲想睇! 搵左陣,唔睇喇放棄,閃人,散,11點到走LU!
咁就一日,幾快過!今晚,又唔知點過,聽日最後一日假期,如無意外,應該係30號整番上網,又比$1000先(經已好窮,又要比$1000先,我想跳樓死左去,又要交租,我老母又冇做野,又係咁打麻雀,仲想問我拎錢,我自己唔開心,有FD肯陪我出街,又係錢,出親去全部都係錢,我黎緊仲要諗,番工放工車錢,飯我可以唔食,淨食麥皮,日夜都得,我死慳死底,都計番條數,都係剛剛好,宜家一個人,咩都係辛苦D,錢唔洗只意有得儲,個個月清呀,條數都好難攪,分分鐘都真係要借錢先掂!交租,番工車錢,麥皮錢,上網,水電煤,都係同老母兩份,租要我頂晒先!真係諗起都頭痕,出黎做雞都唔掂!唉…人生就係咁,為錢而煩!8樓跳落樓唔知會爛成點?我都好想知,個腦唔知會唔會飛出黎呢?定係我隻眼會爆左呢?跳之前,真係要寫左器官捐贈卡先!) 我冇信用卡,要即時付款先,簽24個月免4個月月費,都OK啦$198為番!但實質咪又係要比$238.!
50MB,香港寬頻,行光纖喎!唔知有幾快呢,真係!
今朝講開,同樣30號係胡生生日,哈哈!^^“又會禁O岩呀!
我部nds我都係玩黎玩去都係麻雀格鬥,唉..辛辛苦苦經營番黎,宜家一玩,玩親都輸,點不知,一玩,又想喊,記得番,佢哼過麻格入面音樂變左中文歌詞,“傻呀仔傻呀仔,做緊咩做緊咩”唉…諗番起又sad!!
仲有好多都唔會有lu!唔洗叫去整張床eateateat!佢自己會整架啦!一諗起張床,又諗起張床單,“人人床單”全套買三百幾蚊,訓都訓得好開心! 日後,都唔會再做到佢小秘書,幫佢記錄佢要整d 咩事,以後,都唔會有電話煩佢,從昨日開始,我部電話將會完全變壞機,我諗,我可以唔洗帶電話番工,我相信,唔會有任何人搵我,我可以做自閑! 媽咪知道左,咪叫我休息下,同我講,喊都冇用,冇得勉強!勉強都冇幸福啦!宜家大家仲未成熟姐,可能日後,遲d佢諗通左,仲係愛你,鐘意你,而仲有機會,咪先再一齊番,可能到時,先會叫珍惜呢!! 我聽完之後,叫做開心d,向好果邊諗囉,原來發覺,身邊,忽然間都多左好多單身朋友,不過,個個都係男仔姐嗎,d女仔fd唔係結婚,有細路就有拍拖!咁咪幾好,見到人地禁幸福,我都應該鄧佢地開心先o岩!12:05 AM
